Nire izena Ane Romero da, Zornotzakoa naiz baina batxilergoa Durangon egin dut. Kurtso honetan Lan Harremanak eta Giza Baliabideak ikasten hasi naiz Euskal Herriko Unibertsitatean, batxilergo zientifikoa egin arren. Gradu guztiak ikusi ostean letretako graduak gehiago gustatzen zitzaizkidala konturatu nintzen eta aukera asko ezeztatu ostean gradu hau aukeratu nuen, bere lan irtenbideak gustuko nituelako eta ematen ziren gaiak interesgarriak iruditu zitzaizkidalako.

     

     Blog hau zuzenbide zibila irakasgairako zabaldu egin dut, hemen astero sarrera bat egingo dut. Hiru gai nituen aukeratzeko; Euskal Herriko lege zibil berria, fraudeak eta iruzurrak eta azkenik erantzukizun zibilak, kalte ordainak. Nik fraudeen eta iruzurren gaia aukeratu dut iruditzen zaidalako beti egon den arazo bat dela eta gaur egun gero eta ugariago ikusi ahal dugula teknologia berriekin batera. Gaia zuzenbide zibilaren aldetik idazten ahaleginduko naiz, astero kasu bat ekarriz edo fraude eta iruzurrei buruzko informazioa idatziz.